chungkin Express

離開北京的早上，天氣轉壞，下雨，刮風。

一般人在另一邊的樓梯上機，VIP則是先上車，再升上去從另一邊門登機

VIP登機

有點神七（必須用普通話讀：shen qi）太空人登機的氣勢

M:I:4 - mission completed

午飯後到王府井（指定動作3）同仁堂替雀友買藥後，皇城老媽已大呼好攰好熱，要馬上打的回府。剛好在行人專用區和食街交界的燈位有輌出租車等紅綠燈，問司機「能上嗎？」，他不置可否，欲拒還迎，於是就打開車門扶老爸上車。卻被肥仔交警捉個正着，揚言要向司機罰款200大元。雖不是罰我，但總有點不好意思，於是上前跟肥仔求情，但死契弟不但應也不應，甚至望也不望我一眼。司機問是否能輕手點，肥仔只是指着身上的錄音設備。意思是否若非現場錄音，孝敬一支煙仔可以了事？不需廉潔時偏偏廉潔，不知所謂。
回程，我同司機講可以各付100，好心的老媽說人家很可憐，要我付150。ok。但到酒店後，一直面黑的司機並無下車幫手（當然，其實我覺得無必要），媽便開始媽媽了。大呼抵N佢死云云。

這個肥仔真契弟
Ｘ　　　　　　　　Ｘ　　　　　　　　Ｘ
中午王總（http://www.catv.net ，是個非一般老闆，很有文化）請吃飯，厚臉皮地帶爸媽一起
（西貝莜面　西北菜 http://www.xibei.com.cn
★★★★☆（我評）　★☆☆☆☆（媽評：「好N羶」）
晚上，東方大班，爸全身按摩，媽沐足+修甲，我陪洗，加三人任食（餃子來得正好，事關不夠時間到餃子店，指定動作4），rmb290有交易，抵玩。爸話勁舒服，媽話唔舒服（次日改口，瞓黎頸按摩後已無事）

東方大班
又晚上，本安排了全聚德烤鴨（指定動作5）宴請老爸遠道從芝加哥回來的姑姐，但姑婆一行七人晚點，9時15分到全聚德，居然已經last order拒招呼。也好，大條道理不用吃超肥鴨皮。

同老媽上來北京之前，有過一番爭扎。不是不想，相反，是很想，只要她自己想。但難度很高，連大佬、家姐都力勸，小心小心… 難度分3.8。
1. 不知道可以和媽參觀甚麼。媽雙腳不好，畢竟超重太多，雙腳負擔太大，走路左搖右擺的，站也不能太久，有多次在離家一百米的街市打的回家的記錄。爸能走路的距離越來越少了，這陣子好像只能數以米計，但反而比媽易handle，反正是輪椅出入。
以我的〝科學估計〞，老媽能容忍走路的距離，一小時內不能超過一公里，一天不能超過三公里，而一公里和另一公里的路程間需休息三小時，最好是睡覺。把這些參數輸入到Excel，導出到MathCad，再人手做了些calculus，得出最優化的路線為：早餐->回酒店看電視->午餐->回酒店睡覺->晚餐->回酒店看電視+睡覺
2. 即是說，甚麼景點都不能去，也不用去，尤其是北京的景點，每一個都行鑊甘。的確，媽早講明不會去長城，別說走上去，坐兩小時車她已經會媽我（因為用拼音，〝罵ma4〞錯打成〝媽ma1〞）。那麼，安排吃的就可以了。但問題變成是，不知道可以和爸媽吃甚麼。北京有名的涮羊肉、片皮鴨、餃子，對於糖尿、高血壓、高胆固醇、心臟病，反正說得出的老人病有齊的爸媽，就唯有餃子可以接受，但一款餃子，一點就是一斤，不用calculus，小學生都知熱量糖份脂肪膽固醇全面超標。沒辦法。對這個，我是半投降狀態。說到底，媽留在香港也不見得吃得健康。
3. 又按1，需安排電視節目。這個在訂金僑時就考慮過，也是選金僑的其中一個原因，因為台很多，CCTV各台、BTV各台、各省衞視、HBO、Star movies、CNN、鳳凰、ESPN、National Geography、韓國台甚至俄羅斯台都有，頂，就是沒一個說廣東話！幸好，剛過去的母親節老媽錯過了收視42點的《女人唔易做》大結局，大佬錄的DVD看不了，於是BT’ed了在notebook，就替老媽消磨了今天的下午。另一個幸運是等一下還有細哨對亨利的歐聯決賽，又幾粒鐘得以消磨，正。

指定動作2：後海荷花池。
客家菜　荷花池東面，離入口50米左右
★★★★☆（我評）　★☆☆☆☆（媽評）

老外指定動作：遊什剎海

〝到胡同去〞

型得有道理：剛做完白內障手術，怕陽光怕大塵

鷺鷺酒家（上海菜）　東四環慈云寺橋下　★★★★☆（媽評）

多生一對手一對腳都數不清來了北京多少次。但這是最有挑戰性的一次，因為帶著共146歲的父親母親來觀光+出trip。
父親大人98年已經來過。當時他身體還挺好，正所謂「不到長城非好漢，再到長城正笨蛋」（注：普通話念才行)，於是在當時我畢業後的首個biz trip後，便安排了父親大人上京join我，觀光幾天，成就了一條好漢，製造了一隻笨蛋。
這次本也是business trip，但媽子早陣子忽發奇想，主動提議要來北京食野，難得媽子開到聲，我當然盡力安排啦。但這個仔不大老實（沒必要，也沒辦法），媽要我出trip時順便帶她到北京才安樂，但我覺得是唔work的，於是暗中已經請了四天假（反正積壓的多著），機票自費，叠埋心水來旅遊，找到空檔溜出去辦些事情就算是bonus。
以首天的經驗，帶同兩老來京跟自己出trip的分別有：
1. 帶多很多cash。我媽唔袋成千上萬在身上會很無安全感（「唔聚財」是也），而我平時帶多一點cash都不自在，一般都用咭，全街都是ATM嘛。
2. 第一個上機，最後一個落機。平時我都是在閘口附近，等到最後召集兼最後通碟才進去，飛機降落後嘭嘭聲下機，經常是business class後的第一個（”我是psudo business class”)。這次因用輪椅關係，被安排第一個上機，最後一個下機。
3. 平時從來不寄行李，這次不但要寄，而且還寄輪椅，最後一個提取行李。領回之後，一度因為被壓得太緊，打開不了，嚇下一跳，好彩最後勉強有幸福，使硬解決了。
第一天總算順利，且看後事如何。明日預告：後海，王府井，東方大班按摩

「影乜撚o丫」
坐得最前但等到最後一個下機的媽子，真情流露

金橋國際公寓　崇文區廣渠門北里55號　+86 10 67137788
★★★★☆　挺不錯，房、廳、厠、廚、二個陽台、broadband、電視連有線、空調、雪櫃、煮食爐、微波爐、洗衣機都有，就rmb410。還有要求？你/妳來北京開一家吧，我幫襯。注意秘技是訂房時自稱是〝掌上靈通公司〞訂的，才會有rmb410的corporate rate（別爆是我講的！）
[click落張相會有video]

指定動作一：東來順，難度分2.0。少許難度是應找用炭爐而非石油氣的分店；另，確定一下的士可停在門口，且門前不會有太多級樓梯，否則輪椅惡搞。

涮羊肉，炭爐才有風味

第一次去歐洲係9年前。果陣去歐洲好似係每個後生仔女指定想做O既事，多得grant loan，我可以同朋友攞住本所有香港大學生都睇，鐵行果本旅遊書，見識撞口撞面都係香港人O既歐洲 -_-!
出嚟做野之後都去過幾次英、法、北歐，但都只係出trip，甚至只係catch唔到飛機被逼滯留，冇留低行吓。今次有個好nice O既conference organizer出錢，於是去咗馬德里。咁O岩9年前走馬看花式O既歐遊，由雅典去到倫敦，都冇到過西班牙。而且多得同事夠幫手，居然有時間（仲有興緻O忝!）stay behind，逛一逛.. 話哂林行止都話西班牙係最可遊O既國家喎！
忍住肉赤食O左Ｄ西班牙菜.. 得喎..
理所當然地見唔到 “西班牙式” O既屋.. 話時話如果O的人真起Ｄ西班牙式O既丁屋，我會好想租嚟住！
第一次入場睇波，俾個球場大到嚇親.. 可惜部手機（=相機）冇電，影唔到碧咸串球政被趕出場..（當然手機有電都只會影到Ｄ蟻人啦..)

可能睇得唔多清楚.. solo dance來的

Toledo. 據聞Talk to her響度拍的（唔知堅定流，睇過（好睇！）但冇乜印象..

Plaza Mayor

硬係覺得好多表演旺角街頭都可以做，唔駛響西九…

完全feel唔到有人驚禽流感

倫敦O既秋天… transit停左一停
仲有Ｄ相響呢度…

為答謝各贊助人慷慨解囊支持小弟的助學短征,
終於”的”起心肝為甘肅之行打小報告…

蘭州@甘肅. 第二日再坐大約五六小時大巴, 280公里外,
到達步行起點岷縣.

岷縣. 剛到步時, 在車上見到家家戶戶都有個大碟收衞視,
咁富貴!? 近睇原來…

有另一架”牛車”更raw更靚, 四個轆都係用木做, 冇橡樛,
但顧住行路影唔到.

唔係落雨.. 係落雹. 當日步行被逼腰斬, 少行5公里.

白色一點點果D係羊…

有參加者將自己帶O既鉛筆同故事書派俾小朋友..

未入到青海, 西藏, 但已經有青藏高原feel..
再一次特別鳴謝: 小玲, 黃太, Helen, Alan, Chris, Emma,
大佬, 苗, 龍哥, Johnson, Rachel..

過美國基本上係做野同探朋友，冇認真計劃過旅行，
只係臨走前隨手買左本Lonely Planet，租車由LA
沿海岸向北，冇諗到原來加州海岸咁靚…

其他Ｄ相響[依度]